BBC hefur ákveðið að reka sparkspekinginn Chris Ramage úr starfi eftir ummæli sem hann lét falla um helgina.
Ramage gagnrýndi alla ‘ungu svörtu strákana’ hjá Derby County eftir 1-1 jafntefli við Huddersfield um helgina.
Ramage er sjálfur hvítur og fékk skiljanlega mikið skítkast fyrir ummæli helgarinnar.
,,Þegar ég horfi á ákveðna leikmenn og þeirra líkamstjáningu og hvernig þeir haga sér þá hugsa ég með mér að þeir þurfi að taka skref til baka,“ sagði Ramage.
,,Ég myndi örugglega segja það um alla ungu svörtu strákana, ég er með ráð fyrir þá alla ef þeir vilja.“
,,Þegar þú ert að ganga í gegnum erfiðan kafla þá snýst þetta um að fara aftur á byrjunarreit og leggja hart að sér.“