Stjórnarmenn Manchester City eru öruggir um að Pep Guardiola verði hliðhollur félaginu þrátt fyrir dóm UEFA. UEFA hefur sett City í tveggja ára bann frá Meistaradeild Evrópu.
City braut fjárhagsreglur og var dómur UEFA kveðinn upp á föstudag, City ætlar að áfrýja dómnum og telur að hann muni ekki standa.
Guardiola á ár eftir af samningi en verði City ekki í Meistaradeildinni á næstu leiktíð, telja margir að hann hoppi frá borði. City telur svo ekki vera.
Samkvæmt Sky Sports ræddi Guardiola við leikmenn á laugardag. ,,Sama í hvaða deild þeir setja okku í, þá verð ég hérna,“ sagði Guardiola en hann á rúmt ár eftir af samningi sínum.
Enska úrvalsdeldin gæti refsað City ef bannið stendur, tekið af þeim stig og titla í versta falli.
,,Ef þeir setja okkur í neðstu deild, þá verð ég hérna. Þetta er tíminn til að standa saman.“
Ferran Soriano, stjórnarformaður City tjáði leikmönnum að bannið yrði aldrei að veruleika. ,,Treystið mér eins og ég treysti ykkur, þetta verður fellt niður.“