Maurizio Sarri, stjóri Juventus, hefur svarað kollega sínum Jurgen Klopp hjá Liverpool sem tjáði sig um ítalska félagið fyrir helgi.
Klopp sagði Juventus vera sigurstranglegasta lið Meistaradeildarinnar og að þeir væru með besta hóp sem hann hafði séð.
Sarri veit hvað Klopp er að reyna að gera og segir að hann sé að reyna að taka pressuna af Liverpool sem vann deildina í fyrra.
,,Jurgen sagði líka að hann fylgdist ekki vel með ítalska boltanum svo það útskýrir þennan misskilning!“ sagði Sarri.
,,Jurgen er einn sá fyndnasti og gáfaðasti sem ég hef kynnst og það sem hann er að gera hérna er að fjarlægja þennan stimpil af Liverpool.“