Antoine Griezmann segir að hann þurfi enn að læra að spila með Lionel Messi þrátt fyrir að þeir hafi verið samherjar síðan í sumar.
Griezmann skoraði fyrra mark Barcelona í 2-1 sigri á Getafe í gær og átti Messi stoðsendinguna.
,,Ég hef verið hérna í sex mánuði og þarf að læra. Ég þarf að læra á hreyfingar Messi og hann á mínar,“ sagði Griezmann.
,,Við erum að njóta þess að vinna saman og þetta verður betra og betra. Ég er mjög ánægður og nýt lífsins hérna.“
,,Ég klúðraði færi sem ég hefði ekki átt að klúðra með veikari fætinum en sem betur fer skipti það ekki máli.“