Atalanta 2-1 Roma
0-1 Edin Dzeko(40′)
1-1 Jose Palomino(51′)
2-1 Mario Pasalic(60′)
Það fór fram stórleikur á Ítalíu í kvöld er Atalanta og Roma áttust við á heimavelli þess fyrrnefnda.
Leikurinn var fjörugur á Azzurri vellinum en Roma komst yfir með marki frá Edin Dzeko undir lok fyrri hálfleiks.
Jose Palomino gerði slæm mistök á eigin vallarhelmingi sem varð til þess að Dzeko þakkaði fyrir sig og skoraði.
Palomino hefndi sín svo snemma í seinni hálfleik er hann skoraði jöfnunarmark Atalanta eftir hornspyrnu.
Varamaðurinn Mario Pasalic tryggði Atalanta svo sigur með sinni fyrstu snertingu á 60. mínútu og lokastaðan, 2-1.