Jurgen Klopp, stjóri Liverpool, vorkennir kollega sínum Pep Guardiola hjá Manchester City.
Þetta sagði Klopp eftir 1-0 sigur á Norwich í dag en búið er að dæma City í tveggja ára bann frá Meistaradeildinni.
City braut fjárlög UEFA og var einnig sektað um 25 milljónir punda.
,,Þetta var algjört sjokk. Wow,“ sagði Klopp við Sky Sports eftir leikinn í dag.
,,Það eina sem ég get sagt er að ég er þjálfari og get talað um fótbolta. Það sem Pep Guardiola og Manchester City hafa afrekað síðan ég kom til Englands er framúrskarandi.“
,,Varðandi hitt þá hef ég ekki hugmynd hvað gerðist, hver gerði hvað og þannig. Ég get ímyndað mér að það sé erfitt fyrir íþróttafólk að skilja.“
,,Ég vorkenni þeim ef ég á að vera hreinskilinn, Pep og hans leikmönnum. Þetta var fyrsti dómurinn og við sjáum hvað gerist eftir áfrýjunina.“