Paul Pogba er tilbúinn að snúa aftur til Juventus ef tækifærið gefst einn daginn.
Frá þessu greinir umboðsmaður Pogba, Mino Raiola, en Pogba yfirgaf Juventus fyrir Manchester United árið 2016.
Síðan þá hefur hann reglulega verið orðaður við brottför og gæti leikmaðurinn snúið aftur.
,,Ítalía er eins og heimili Paul. Hann hefði ekkert á móti því að snúa aftur til Juventus en við sjáum hvað gerist eftir EM,“ sagði Raiola.
,,Paul vill spila í hæsta gæðaflokki en getur ekki yfirgefið Manchester United ef þeir eru í vandræðum.“