Tottenham ætlar að selja Eric Dier í sumar til að koma í veg fyrir að hann fari frítt, Dier hefur ekki viljað krota undir nýjan samning við Tottenham.
Þessi enski varnar og miðjumaður er á leið inn í sitt síðasta ár á samningi, hann verður því til sölu í sumar.
Manchester United reyndi lengi vel að kaupa Dier en ekki er víst að félagið hafi lengur áhuga, frammistaða Dier síðasta árið hefur ekki verið merkileg.
Tottenham þurfti að selja Christian Eriksen á útsöluverði í janúar til að missa hann ekki frítt, félagið vill koma í veg fyrir slíkt með Dier.
Jan Vertonghen er að verða samningslaus í sumar og hefur Tottenham ekki tekist að semja við hann, hann gæti því farið frítt í sumar.