Frank Lampard ætlar í talsverðar breytingar á liði Chelsea í sumar og er byrjaður að undirbúa hvernig hann getur komið Chelsea aftur í titlbaráttu. Chelsea gekk í gær frá kaupum á Hakim Ziyech frá Ajax.
Kantmaðurinn frá Marokkó hefur verið frábær með Ajax en hann er 26 ára gamall.
Nú segja ensk blöð að Lampard vilji fá þrjá leikmenn til viðbótar í sumar, um er að ræða Jadon Sancho, Jude Bellingham og Moussa Dembele.
Kaup á þessum þremur myndu kosta í kringum 200 milljónir punda en búist er við að Willian, Pedro og Olivier Giroud fari allir frítt frá Chelsea í sumar.
Til að fjármagna þessi kaup gæti Lampard þó þurft að selja nokkra leikmen.