Ivan Rakitic, leikmaður Barcelona, vill spila með Cristiano Ronaldo ef hann fær tækifæri til þess.
Rakitic og Ronaldo mættust er sá síðarnefndi var hjá Real Madrid en leikur í dag með Juventus.
Rakitic er að öllum líkindum á förum frá Barcelona í sumar og hver veit nema hann semji við ítalska stórliðið.
,,Auðvitað væri ég til í að spila með honum. Hann er einn besti leikmaður sögunnar,“ sagði Rakitic.
,,Maður nýtur þess að horfa á hann spila og hann hefur gert svo góða hluti hjá Juventus.“