Kurt Zouma, varnarmaður Chelsea, hefur opnað sig um samband hans og Jose Mourinho hjá félaginu á sínun tíma.
Zouma var flottur undir stjórn Mourinho hjá Chelsea en hann fékk Frakkann til félagsins aðeins 19 ára gamlan.
,,Ég man ekki í hvaða leik þetta var en við vorum að tapa 3-1 á útivelli,“ sagði Zouma við RMC.
,,Daginn eftir þá kom Mourinho að mér og dró mig inn á skrifstofu. Hann spurði mig hvort að ég væri í lagi, ég sagði já og hann endurtók spurninguna.“
,,Ég sagði já aftur og hann svaraðI með því að segja mér að ég hafi verið glataður um helgina. Hann var það hreinskilinn. Það kom mér í smá uppnám en ég vildi svara á vellinum um leið.“