AC Milan 1-1 Juventus
1-0 Ante Rebic
1-1 Cristiano Ronaldo(víti)
Það fór fram hörkuleikur á Ítalíu í kvöld er AC Milan fékk Juventus í heimsókn á San Siro.
Um var að ræða fyrri leik liðanna í undanúrslitum bikarsins og lauk honum með jafntefli.
Ante Rebic skoraði fyrsta mark leiksins fyrir Milan en hann afgreiddi fyrirgjöf á 61. mínútu seinni hálfleiks.
Staðan var 1-0 þar til á 90. mínútu er Juventus fékk vítaspyrnu og steig Cristiano Ronaldo á punktinn.
Ronaldo skoraði framhjá Gianluigi Donnarumma í marki Milan og tryggði Juventus jafntefli sem gæti skipt miklu að lokum.
Þess má geta að Zlatan Ibrahimovic byrjaði hjá Milan og spilaði allan leikinn í fremstu víglínu.