Ilkay Gundogan, leikmaður Manchester City, segir að flestir knattspyrnumenn öfundi það sem hann hefur upplifað.
Gundogan hefur unnið hjá Jurgen Klopp hjá Dortmund og Pep Guardiola hjá Manchester City en þeir eru taldir tveir bestu stjórar heims af mörgum.
,,Þeir eru tveir bestu stjórar heims í dag og það eru forréttindi að hafa unnið undir þeim báðum,“ sagði Gundogan.
,,Það eru margir knattspyrnumenn sem öfunda mig því þeir hafa ekki fengið þetta tækifæri.“
,,Þeir eiga báðir stað í mínu hjarta. Þeir hafa báðir kennt mér mikið og eru hluti af minni sigurgöngu.“
