James Maddison, leikmaður Leicester og enska landsliðsins naut þess að fá frí frá æfingum og skellti sér til Dubai. Leikmenn Leicester fengu sjö daga frí. Maddison er orðaður við Manchester United en hann er þó að ræða nýjan samning við Leicester. Maddison er mættur ti æfinga en liðið leikur gegn Wolves á morgun.

Maddison gerði vel við sig á næturlífinu eitt kvöldið, þar var hann mættur með fyrirsætunni Sophie Kenyon, sem er 21 árs gömul. Ensk blöð birta myndir af Maddison á næturlífinu í Dubai en þar kemur fram að hann hafi eytt 4,8 milljónum í áfengi þetta kvöldið.

Hann bauð gestum og gangandi í glas og dansaði við Sophie en þau fóru saman heim þegar klukkan var að ganga 06:00.

Brendan Rodgers, stjóri Leicester var spurður út í næturbrölt Maddison. ,,Á meðan hann er eins og vélmenni á æfingum, þá má hann kíkja út á lífið. Fólk er að reyna að teikna hann upp sem einhvern mann, sem hann er ekki,“ sagði Rodgers.

,,Ég veit sannleikann, hann er svakalegur atvinnumaður sem einbeitir sér að leiknum. Hann vill verða betri í dag en í gær, það sést á leikjum hans og tölum.“

,,Hann hefur verið frábær þetta ár sem ég hef verið hérna, utan vallar er hann öðlingur. Ungur drengur sem heillar fólk. Hann ber virðingu fyrir Leicester, það er frábært að vinna með honum.“

,,Við eigum að vera í heimi þar sem allir hugsa um náungann en raunveruleikinn er sá að fólk reynir að niðurlægja þig við fyrsta tækifæri, það er sannelikurinn.“

,,Þetta er 23 ára einhleypur strákur, hann fékk viku frí. Strákar fara og njóta sín, við hjálpum þeim í gegnum lífið en svona pirrar mig ekki neitt.“

Myndir af Maddison og Sophie eru hér að neðan.