Erik ten Hag, stjóri Ajax, hefur staðfest það að Hakim Ziyech sé á förum til Chelsea.
Ziyech er vængmaður Ajax en hann hefur skorað 48 mörk í 159 leikjum síðan 2016.
Undanfarin ár hafa mörg lið sýnt Ziyech áhuga en hann er nú á leið til Englands.
,,Zyiech til Chelsea? Við vissum að þessi félagaskipti myndu gerast,“ sagði Ten Hag.
,,Ég bjóst við þessu fyrir einu eða tveimur árum. Í hvert skipti var ég hissa að hann væri hér áfram.“
,,Við erum bara ánægðir með að geta notað hann þar til í lok tímabils.“