Pep Guardiola, stjóri Manchester City, viðurkennir að hann sé svo sigursæll því hann hefur unnið hjá bestu liðum heims.
Guardiola hefur aðeins stýrt stórliðum á sínum ferli eða þeim Barcelona, Bayern Munchen og nú City.
Spánverjinn neitar því að hann sé besti stjóri heims og segir að titlasafnið sé liðunum sem hann hefur stýrt að þakka.
,,Hvað þýðir það að vera besti stjórinn? Mér hefur aldrei liðið þannig,“ sagði Guardiola.
,,Ég hef aldrei hugsað þannig. Jafnvel þegar ég vann sex titla í röð og vann þrennur. Aldrei.“
,,Ég vann því ég var með framúrskarandi leikmenn hjá stórliðum. Mögnuðu þjálfararnir eru ekki með þessa leikmenn. Þeir eru ekki hjá þessum félögum.“