Eigendur West Brom munu síðar í dag reka Slaven Bilic úr starfi. Þetta kemur fram í nokkrum enskum blöðum nú í morgun.
West Brom náði frábæru stigi gegn Manchester City á útivelli í gær en liðið er í fallsæti.
Kínversku eigendur félagsins eru ekki sáttir með ganga mála þrátt fyrir að Bilic hafi komið félaginu upp í efstu deild og ætla að reka hann.
Ensk blöð segja að Sam Allardyce taki við starfinu en hann er þekktur fyrir að koma liðum úr fallsæti og bjarga þeim.
Allardyce er 66 ára gamall en hann stýrði Everton síðast árið 2018 en hefur síðan þá verið atvinnulaus.