Barcelona, tók á móti einu af toppliðum spænsku deildarinnar þegar Real Sociedad mættu til leiks á Nývangi í kvöld. Leikurinn endaði með 2-1 sigri Barcelona sem færist nær toppliðum deildarinnar.
Real Sociedad komst yfir í leiknum. Þar var að verki Willian José sem skoraði fyrsta mark leiksins eftir stoðsendingu frá Portu á 27. mínútu.
Það tók Börsunga hins vegar ekki langan tíma að jafna leikinn. Á 31. mínútu jafnaði Jordi Alba leikinn og á 43. mínútu kom Frenkie De Jong, Börsungum yfir.
Fleiri mörk voru ekki skoruð í leiknum. Sigurinn færir Barcelona upp í 5. sæti deildarinnar, þar situr liðið með 20 stig eftir 12 leiki. Real Sociedad er í 2. sæti með 26 stig eftir 14 leiki.
Barcelona 2 – 1 Real Sociedad
0-1 Willian José (’27)
1-1 Jordi Alba (’31)
2-1 Frenkie De Jong (’43)
