Jose Mourinho stjóri Tottenham hélt hálfgerða þrumuræðu á fréttamannafundi sínum í dag og gerir lítið úr öllu tali um meiðslavandræði Liverpool.
Mikið hefur verið rætt og ritað um meiðsli í herbúðum Liverpool en Mourinho segir meiðsli hluti af leiknum. Tottenham heimsækir Liverpool í toppliðin.
„Meiðsli eru hluti af þessu. Alisson er ekki meiddur, Arnold er ekki meiddur, ég held að Matip spili, Fabinho er ekki meiddur, Robertson er ekki meiddur, Henderson er ekki meiddur, Wijnaldum er ekki meiddur, Salah er ekki meiddur, Firmino er ekki meiddur, Mane er ekki meiddur,“ sagði Mourinho í ræðu sinni.
„Van Dijk er auðvitað meiddur og er frábær leikmaður en gefið mér lista yfir meiðslin og svo besta byrjunarlið Liverpool.“
„Ég get komið með tíu meidda leikmenn hjá Tottenham. við erum með tvo krakka í U16, tvo í U21 og þrjá í U23 ára liðinu. Lamela og Tanganga eru meiddir.“
„Alderweireld er ekki meiddur, Kane ekki meiddur, Son ekki meiddur. Meiðsli eru eðlileg, Milner er meiddur og Lamela er meiddur. Meiðsli koma upp hjá öllum, stóru meiðsli Liverpool eru Van Dijk.“
Ræðuna má sjá hér að neðan.
„Salah is not injured, Firmino is not injured, Mane is not injured…“
Jose Mourinho has played down Liverpool’s injury issues – claiming every club goes through problems like this pic.twitter.com/nAkDMhMRJV
— Sky Sports News (@SkySportsNews) December 15, 2020