Jack Grealish miðjumaður Aston Villa hefur misst ökuréttindi sín í níu mánuði vegna uppsafnaðari brota. Þá þarf hann að greiða 14 milljónir í sekt vegna atviks sem upp kom í mars.
Grealish mætti í réttarsal í dag þar sem dómur var kveðinn upp, hann játaði brot sín.
Grealish lyktaði eins og áfengistunna og var málhaltur þegar hann keyrði á tvo kyrrstæða bíla í mars. Hann hafði þá verið í gleðskap alla nóttina þrátt fyrir útgöngubann í landinu. Þetta kom fram fyrir dómi á dögunum en málinu lauk í dag.
Grealish viðurkennir að hafa keyrt glannalega en hann var að auki ákærður fyrir fleiri akstursbrot sem átti eftir að taka fyrir.
Ekki var hægt að sanna að Grealish hafi verið undir áhrifum. Vitni sögðu að Grealish hefði ekki verið í neinu ástandi til að keyra en hann bakkaði í tvígang á bíla áður en hann fór af vettvangi. Lögreglan leitaði Grealish en fann hann ekki á heimili sínu. Hann gaf sig fram nokkrum dögum síðar.
Grealish hafði deginum áður beðið fólk um að halda sig heima á meðan kórónuveiran væri að ganga yfir þar í landi. Útgöngubann var á Bretlandseyjum.
Lögreglan hefur nú birt atvikin og þau má sjá hér að neðan
#BANNED | An international footballer who crashed into parked vehicles and mounted a pavement has been banned from driving today.
Jack Grealish had disobeyed lockdown rules to meet friends at the time.
Full story ➡️ https://t.co/flcMOxwc1A
Watch the video ⬇️ pic.twitter.com/Sn47CGg4IG
— West Midlands Police (@WMPolice) December 15, 2020