fbpx
Þriðjudagur 20.apríl 2021
433Sport

Nýjar upplýsingar um andlát Maradona: Hjúkrunarkonan laug – Blandaði saman áfengi og pillum

Hörður Snævar Jónsson
Þriðjudaginn 1. desember 2020 10:31

Leopoldo Luque læknir og Maradona

Ekki missa af Helstu tíðindum dagsins í pósthólfið þitt

Lesa nánar

Fjölmiðlar í Argentínu fjalla mikið um andlát Diego Maradona og hvernig það bar að garði en þessi knattspyrnuhetja lést í síðustu viku. Þessi sextugi fyrrum knattspyrnumaður frá Argentínu lést á heimili sínu í Buenos Aires í Argentínu. Fyrir þremur vikum hafði Maradona verið útskrifaður af spítala í borginni eftir að blæðing í heila koma upp. Hann gekkst undir aðgerð og hafði ekki náð bata eftir hana.

Lögreglan rannsakar nú hvort eitthvað saknæmt hafi átt sér stað en dætur Maradona halda því fram að hann hafi ekki fengið eðlilega lyfjagjöf eftir aðgerðina á heila. Í nýjustu fréttum í Argentínu kemur fram að Maradona hafi skollið harkalega á haus sinn viku eftir aðgerðina, ekkert var gert í málinu og telja aðstandendur hans það óeðilegt.

Maradona var með læknateymi og virðist það ekki hafa sinnt kappanum eins og best verður á kosið, þannig segir að enginn hafi athugað með heilsu Maradona í þrjá daga eftir höfuðhöggið. „Maradona gat ekkert ákveðið sjálfur,“ segir Rodolfo Baquè saksóknari í málinu.

Þá hefur komið í ljós að hjúkrunarkona sem átti að líta eftir Maradona laug til um hvað gerðist á miðvikudag í síðustu viku þegar hann lét lífið. Hún hafði haldið fram að Maradona hefði komið fram úr rúmi sínu til að borða morgunmat. Nú hefur komið í ljós að svo var ekki.

Maradona fékk samloku á þriðjudagskvöld sem hann opnaði ekki og hjúkrunarkonan sem átti að vera á næturvakt sagði að hann hefði andað eðlilega klukkan 06:30 að morgni miðvikudags og að hann hafi verið vakandi 9:20 um morguninn. Nú hefur komið í ljós að hjúkrunarkonan fór aldrei inn í herbergi Maradona til að athuga með ástand hans.

Ekki hefur komið fram hvers vegna konan ákvað að ljúga en Maradona fannst látinn á hádegi á heimili sínu eftir að hafa fengið hjartaáfall í svefni.

Læknir Maradona rannsakaður:

Leopoldo Luque, læknir Diego Maradona, hefur stöðu grunaðs manns í rannsókn sem nú er farin af stað vegna andláts Maradona. Húsleit var gerð á heimili og skrifstofu Leopoldo um helgina. Farið var í húsleitirnar eftir að dætur Maradona kröfðust þess að fá að vita hvaða lyfjum föður þeirra hafði verið ávísað. 30 lögreglumenn tóku þátt í húsleitinni þar sem lagt var upp með að komast yfir sjúkraskýrslur Maradona.

Leopoldo Luque hefur starfað sem einkalæknir hans en ekki er langt síðan Maradona gekkst undir aðgerð vegna heilablóðfalls. Luque er nú grunaður um vanrækslu í starfi og manndráp af gáleysi. Læknirinn kveðst hins vegar saklaus. „Ég gerði alltaf mitt besta fyrir vin minn,“ sagði Luque eftir að lögreglan hafði leitað á heimili hans.

„Ég var í áfalli þegar lögreglan kom heim til mín, ég mun aðstoða þá eins og ég get. Ég veit hvað ég gerði, ég gerði allt fyrir Diego fram á síðustu stundu. Ég gerði mitt besta.“

Læknirinn segir að undir það síðasta hafi fíkn Maradona verið að gera vart við sig aftur, hann hafi verið byrjaður að drekka ansi mikið af áfengi og taka pillur ofan í það.

Athugasemdir eru á ábyrgð þeirra sem þær skrá. DV áskilur sér þó rétt til að eyða ummælum sem metin verða sem ærumeiðandi eða ósæmileg. Smelltu hér til að tilkynna óviðeigandi athugasemdir.

Fleiri fréttir

Mest lesið

Nýlegt

433Sport
Fyrir 18 klukkutímum

Milner ósáttur með fyrirhugaða Ofurdeild – „Mér líkar þetta ekki og vona að þetta verði ekki að veruleika

Milner ósáttur með fyrirhugaða Ofurdeild – „Mér líkar þetta ekki og vona að þetta verði ekki að veruleika
433Sport
Fyrir 18 klukkutímum

Segir Klopp hafa tortímt eigendum Liverpool í beinni útsendingu

Segir Klopp hafa tortímt eigendum Liverpool í beinni útsendingu
433Sport
Fyrir 20 klukkutímum

Kolbeinn skoraði tvennu gegn sínu gamla félagi og tryggði Gautaborg sigur – Lofaði tveimur mörkum fyrir leik

Kolbeinn skoraði tvennu gegn sínu gamla félagi og tryggði Gautaborg sigur – Lofaði tveimur mörkum fyrir leik
433Sport
Fyrir 20 klukkutímum

Carragher hvetur til byltingar og varar eigendur Liverpool við – „Ykkur verður bolað út úr félaginu á innan við viku“

Carragher hvetur til byltingar og varar eigendur Liverpool við – „Ykkur verður bolað út úr félaginu á innan við viku“
433Sport
Í gær

Hefur þénað ótrúlegar upphæðir við það að vera rekinn – 3,5 milljarður í þetta skiptið

Hefur þénað ótrúlegar upphæðir við það að vera rekinn – 3,5 milljarður í þetta skiptið
433Sport
Í gær

Algjör falsfrétt að Mourinho hafi neitað að fara á æfingu vegna Ofurdeildarinnar

Algjör falsfrétt að Mourinho hafi neitað að fara á æfingu vegna Ofurdeildarinnar