Paula Dapena knattspyrnukona hjá Viajes Interrias FF á Spáni neitaði að taka þátt í því að heiðra minningu Diego Maradona um helgina. Knattspyrnuheimurinn hefur syrgt einn sinn dáðasta son síðustu daga.
Mínútu þögn var fyrir alla knattspyrnuleiki um helgina og slíkt var líka í næst efstu deild kvenna á Spáni. Viajes Interrias FF og Deportivo Abanca mættust um helgina þar sem Dapena settist á völlinn þegar aðrir voru að minnast Maradona.
Hún hélt því fram að Maradona hafi verið ofbeldismaður, hafi misnotað börn og nauðgað konum. „Ég neitaði að heiðra minningu nauðgara, barnaperra og ofbeldismanns,“ sagði Dapena um málið.
Her name is Paula Dapena, she plays for Viajes Interrías Female Football Club in Galicia, northwestern Spain.
She refused to keep a minute of silence for Maradona as a protest because he was an abuser against women.
Stand up for your values is easier said than done.
Well done. pic.twitter.com/K4DP6KCDYA— Jordi Arrufat (@Jordiarrufat) November 29, 2020
Dapena ræddi málið við útvarpsstöð á Spáni í gær og sagi frá því að morðhótanir hefðu borist henni. „Hann var magnaður knattspyrnumaður en hann var ekki bara sú persóna. Þú þarft önnur gildi í lífinu líka,“ sagði Dapena.
„Ég hef fengið mikinn stuðning á samfélagsmiðlum, ég hef líka fengið nokkrar morðhótanir og líka liðsfélagar mínir. Svona eru samfélagsmiðlar.“