Haukur Hinriksson yfirlögfræðingur KSÍ staðfesti við RÚV í dag að kæra KR er varðar endalok Íslandsmótanna í knattspyrnu hafi borist sambandinu í gær.
Stjórn KSÍ hefur viku til að skila inn greinargerð, sambandið þarf að klára málið fyrir næsta miðvikudag. Haukur segir við RÚV að niðurstaða ætti að liggja fyrir á fimmtudag í næstu viku.
KR-ingar vilja að reglugerð KSÍ um endalok Íslandsmótsins verði dæmd ógild en KSÍ tók ákvörðun í síðustu viku um að blása öll mót af.
Karlalið KR fékk ekki tækifæri til að ná í Evrópusæti og kvennalið KR féll úr efstu deild þegar ákveðið var að blása mótin af vegna kórónuveirunnar.