Íslendingurinn efnilegi, Ísak Bergmann Jóhannesson, var í byrjunarliði Norrköping og lék allan leikinn í 0-1 útisigri gegn Hammarby í sænsku úrvalsdeildinni í kvöld. Aron Jóhannsson var ekki í leikmannahópi Hammarby.
Christoffer Nyman, leikmaður Norrköping, skoraði eina mark leiksins á 40. mínútu og tryggði liðinu sigur.
Norrköping situr í 4. sæti deildarinnar með 46 stig eftir 29 leiki. Hammarby er í 7. sæti með 41 stig.
Framherjinn Kolbeinn Sigþórsson, kom inn á sem varamaður á 66. mínútu er lið hans AIK tapaði 0-1 á heimavelli fyrir Kalmar í sænsku úrvalsdeildinni.
Það var Erik Israelsson sem tryggði Kalmar sigur með marki á 84. mínútu.
AIK situr í 9. sæti deildarinnar með 38 stig.
