Raul Jimenez framherji Wolves gekkst undir aðgerð á sjúkrahúsi í London í gær. Hann höfuðkúpubrotnaði í leik liðsins gegn Arsenal í gær.
Leikur Arsenal og Wolves var stöðvaður í um það bil tíu mínútur eftir að höfuð David Luiz, leikmanns Arsenal og Raul Jimenez, leikmanns Wolves skullu saman þegar um fimm mínútur voru liðnar af leiknum. Heyra mátti í sjónvarpi þegar hausar þeirra skullu saman. Raúl Jimenez var að horfa á flug boltans eftir hornspyrnu Willian og David Luiz var að hlaupa í áttina að boltanum þegar þeir skullu saman af fullum krafti.
Jimenez var fluttur af velli á sjúkrabörum og beint á sjúkrahús þar sem hann gekkst undir aðgerð. „Raul líður vel eftir aðgerð í gær, hann hefur hitt unnustu sína og hvílir sig núna. Hann verður undir eftirliti næstu daga,“ sagði í yfirlýsingu Wolves.
Atvikið vakti óhug hjá mörgun enda var Jimenez alveg rotaður eftir höggið. Hann komst hins vegar fljótt til meðvitundar og virðist á góðri bataleið.
Wolves confirmed through a statement that Raul Jimenez suffered a fractured skull against Arsenal on Sunday.
He is now comfortable and resting after undergoing surgery.
Get well soon @Raul_Jimenez9
❤️ #RaulJimenezpic.twitter.com/WjhRYc3mmA— Mohammad Jamlish Roy (@jamlishsays) November 30, 2020