Fyrr á þessu ári var Lewis Salmon á mjög slæmum stað. Hann segir að hver einastu dagur frá því í janúar og fram í mars hafi verið eins og helvíti. „Ég vildi einfaldlega ekki lifa lengur,“ segir hann í samtali við SPORTbible um málið.
Lewis, sem er 24 ára gamall, segir að lífið hans hafi gjörsamlega hrunið. „Ég var í góðu starfi, langtíma sambandi og var nýbúinn að flytja í nýtt hús,“ segir hann. „En ég vissi ekki að ég væri með geðsjúkdóm sem varð verri og verri án þess að ég gerði mér grein fyrir því.“
Í lok desember á síðasta ári var Lewis í góðum málum en það breyttist þegar samband hans og kærustunnar slitnaði á gamlárskvöldi. Fljótlega eftir það fór allt niður á við. Lewis þjáist af einkennilegri áráttuþráhyggjuröskun sem lætur hann trúa að hann hafi gert hluti sem hann gerði ekki. „Ég vil ekki útskýra það of mikið en í rauninni þá trúði ég bara að ég hafi gert skelfilega hluti.“
Lewis segist hafa náð botninum eftir að hann var lagður inn á spítala sökum þess að hann vildi ekki lifa lengur. „Ég var að skaða sjálfan mig, geðheilsan mín var orðin svo slæm að ég gat ekki yfirgefið húsið. Á endanum missti ég vinnuna.“
Þegar Lewis ákvað að byrja að spila fótboltatölvuleikinn FIFA á ný þá snérist taflið hjá honum við. „Leikurinn gaf mér stundarfrið frá öllu myrkrinu og kvíðanum. Jafnvel þótt það var bara í nokkra tíma þá var ég frjáls. Ég var að gera eitthvað, hugurinn var þá ekki að reika,“ segir Lewis sem þakkar EA Sports, framleiðenda leikjanna, fyrir hjálpina. „FIFA hafði gríðarleg áhrif á batann minn,“ segir Lewis.