Albert Guðmundsson, leikmaður AZ Alkmaar, kom inn á sem varamaður í 1-2 sigri liðsins gegn Heracles í hollensku úrvalsdeildinni í dag.
Teun Koopmeiners, kom AZ yfir með marki á 41. mínútu með marki úr vítaspyrnu.
Þremur mínútum síðar tvöfaldaði Myron Boadu, forystu AZ, með marki eftir stoðsendingu frá Koopmeiners.
Lucas Shoofs, minnkaði muninn fyrir Heracles með marki á 76. mínútu en nær komust leikmenn Heracles ekki.
Albert Guðmundsson, kom inn á sem varamaður á 88. mínútu fyrir Myron Boadu, markaskorara AZ Alkmaar.
AZ Alkmaar er eftir leikinn í 7. sæti deildarinnar með 17 stig.