Síðustu dagar hafa verið erfiðir fyrir Kun Aguero framherja Manchester City eftir að Diego Maradona lést í fyrradag.

Maradona var lengi vel tengdafaðir Aguero þegar hann var giftur Gianinna dóttur Maradona. Saman eiga þau ellefu ára strák saman.

Benjamin Aguero er sonur Kun og afi hans var hinn magnaði Maradona. Þessi sextugi fyrrum knattspyrnumaður frá Argentínu lést á heimili sínu í Buenos Aires í Argentínu í fyrradag. Fyrir rúmum tveimur vikum hafði Maradona verið útskrifaður af spítala í borginni eftir að blæðing í heila koma upp. Hann gekkst undir aðgerð og hafði ekki náð bata eftir hana.

„Það er erfitt fyrir mig að ræða um tilfinningar Aguero en leikurinn gegn Olympiakos var erfiður,“ sagði Pep Guardiola stjóri Manchester City.

Ferlið er erfitt fyrir Aguero sem upplifir líka sorgina í gegnum son sinn. „Þetta er sérstaklega erfitt fyrir strákinn hans, Aguero og Maradona þekktust vel. Þetta er sorglegt staða fyrir fjölskylduna en Aguero er í lagi.“