Þriggja daga þjóðarsorg hefur verið lýst yfir í Argentínu í kjölfar andláts Diego Armando Maradona sem lést í dag, 60 ára að aldri.
„Þú lyftir okkur upp á topp heimsins. Þú fylltir okkur gleði, þú varst sá besti,“ skrifaði Alfredo Fernandéz, Forseti Argentínu á Twitter.
Þá hefur knattspyrnugoðsögnin Pele vottað Maradona virðingu sína. Maradona og Pele hafa oft verið bornir saman og metist hefur verið um það hvor hafi verið betri.
„Megi guð veita fjölskyldu hans styrk. Einn daginn vonast ég til þess að við munum geta sparkað bolta á milli okkar á himnum,“ sagði Pele er hann vottaði Maradona virðingu sína.