Einn besti knattspyrnumaður heims, frá upphafi, Diego Armando Maradona, lést í dag, 60 ára að aldri. Maradona átti magnaðan knattspyrnuferil.
Maradona er af mörgum talinn einn besti knattspyrnumaður sem uppi hefur verið. Hann tók þátt í fjórum heimsmeistaramótum með Argentínska landsliðinu og varð heimsmeistari með liðinu árið 1986. Maradona átti einnig farsælan feril með félagsliðum á borð við Napoli, Barcelona og Boca Juniors.
Eftir að hafa lagt knattspyrnuskóna á hilluna þjálfaði Maradona meðal annars Argentínska landsliðið.
Af nægu er að taka en hér verður stiklað á stóru í gegnum knattspyrnuferil Maradona í máli og myndum.