Jóhann Berg Guðmundsson var í byrjunarliði Burnley þegar liðið tók á móti Crystal Palace í ensku úrvalsdeildinni í gær.
Burnley hafði ekki enn sigrað leik í deildinni þegar þessi leikur hófst. Burnley byrjaði leikinn vel og strax á áttundu mínútu kom Chris Wood Burnley yfir. Leikar stóðu 1-0 þegar flautað var til hálfleiks. Í síðari hálfleik hefði Jóhann Berg getað tvöfaldað forystuna en boltinn small í slánni. Hann var tekinn af velli á 67. mínútu.
Fleiri mörk voru ekki skoruð og fyrsti sigur Burnley í deildinni orðinn að veruleika. Leikurinn var sögulegur fyrir Jóhann sem var að spila sinn 100 leik í ensku úrvalsdeildinni.
100 | Johann Berg Gudmundsson makes his 100th Premier League appearance tonight. 👏 pic.twitter.com/h89yOCRArK
— Burnley FC (@BurnleyOfficial) November 23, 2020
Í leikjunum 100 hefur Jóhann komið að 24 mörkum, skorað 7 og lagt upp 17. Jóhann er á sínu fimmta tímabili hjá Burnley en hann hefur misst út stóran hluta vegna meiðsla.
Jóhann er sjötti Íslendingurinn sem afrekar það að spila 100 leiki eða meira í stærstu knattspynudeild í heimi. Hermann Hreiðarsson er með 332 leiki en Gylfi Þór Sigurðsson nálgast hann.
Íslendingar með yfir 100 leiki:
Hermann Hreiðarsson – 332 leikir
Gylfi Sigurðsson – 291 leikur
Eiður Smári Guðjohnsen – 211 leikir
Guðni Bergsson – 135 leikir
Grétar Rafn Steinsson – 126 leikir
Jóhann Berg Guðmundsson – 100 leikir