Leeds United og Arsenal gerðu 0-0 jafntefli í ensku úrvalsdeildinni í fyrradag. Leikið var á Elland Road í Leeds. Arsenal hefur gengið erfiðlega að skora mörk á tímabilinu og hefur mistekist að skora úr opnum leik í yfir 450. mínútur í undanförnum leikjum.
Arsenal lék einum manni færri frá 52. mínútu þegar Nicolas Pépé fékk að líta rauða spjaldið fyrir að hafa skallað Alioski, leikmann Leeds.
Pepe gerði slæm mistök en í kjölfarið hafa honum borist hótanir og sömuleiðis hefur Ezgjan Alioski leikmaður Leeds fengið hótanir.
Mikel Arteta fór ekki fögrum orðum um Pepe eftir leik og þá ákvörðun hans að skalla andstæðing sinn, dýrkeypt. „Ég kom liðinu í vandræði á mikilvægum tíma leiksins, það er ekki nein afsökun fyrir hegðun minni,“ sagði Pepe um málið.
Pepe er dýrasti leikmaður í sögu Arsenal en hefur litlu skilað innan vallar. „Ég er miður mín og vil biðja stuðningsmenn okkar afsökunar, einnig liðsfélaga mína, þjálfara og alla tengda félaginu.“