Zlatan Ibrahimovic er allt annað en sáttur með EA Sports sem gefur út fölvuleikinn FIFA. Verið er að nota nafn hans og andlit án hans leyfis.

„Ég er ekki meðlimur Fifpro svo að ég viti og ef svo er var ég gerður það án minnar vitundar á undarlegan hátt. Og til að hafa það á hreinu þá gaf ég FIFA eða Fifpro aldrei leyfi til að græða á því að nota mig,“ segir Zlatan á samfélagsmiðlum.

„Einhver hefur verið að græða á nafni mínu og andliti án samþykkis í öll þessi ár. Það er kominn tími til að rannsaka þetta,“ bætti Zlatan við.

Zlatan, sem er leikmaður AC Milan, hefur verið duglegur að skora á tímabilinu. Hann hefur skorað 10 mörk og er markahæstur í deildinni.

Hér má sjá færslu Zlatan í heild sinni.