„Spilamennska okkar á sóknarþriðjungnum var góð, við sköpuðum tvö eða þrjú færi og nýttum eitt. Það var stressandi að skora ekki meira,“ sagði Sean Dychen þjálfari Burnley eftir 1-0 sigur gegn Crystal Palace. Þetta var jafnframt fyrsti sigur liðsins í deildinni.
„Við byrjuðum mjög vel. Mér fannst spilamennska okkar í fyrri hálfleik mjög góð,“ sagði Dychen
„Jóhann átti gullið tækifæri til að skora þegar hann skaut í slána. Við vorum með stjórn á leiknum en boltinn fór ekki inn og það var stressandi,“ bætti Dychen við.
Burnley hafði fengið tvö stig í síðustu fjórum leikjum fyrir leikinn í kvöld. Dychen sagði leikmenn komna í betra form en að mikil vinna væri framundan.
