Ísak Bergmann Jóhannesson var í byrjunarliði Norrköping þegar þeir tóku á móti Falkenberg í sænsku úrvalsdeildinni.

Falkenberg, sem eru í fallsæti, byrjuðu leikinn betur. John Chibuike kom gestunum yfir með marki á annarri mínútu. Eftir það átti Norrköping sviðið.

Christoffer Nyman, í liði Norrköping, gerði sér lítið fyrir og skoraði þrjú mörk úr þremur vítaspyrnum á 13 mínútna kafla í fyrri hálfleik.

Í síðari hálfleik bætti Abdulrazak fjórða marki Norrköping við. Lokatölur 4-1 sigur Norrköping.

Norrköping situr í fimmta sæti deildarinnar með 43 stig. Falkenberg er í 15. og næstneðsta sætinu með 23 stig. Tveir leikir eru eftir af deildinni og Falkenberg getur enn bjargað sér frá falli.

Norrköping 4 – 1 Falkenberg
0-1 John Chibuike (2′)
1-1 Christoffer Nyman (21′)(Víti)
2-1 Christoffer Nyman (32′)(Víti)
3-1 Christoffer Nyman (34′)(Víti)
4-1 I. Abdulrazak (68′)