Tottenham kom sér á topp ensku úrvalsdeildarinnar með 2-0 sigri á Manchester City.
Heung-Min Son kom Tottenham yfir með marki á fimmtu mínútu. Giovani Lo Celso tryggði Tottenham sigurinn með marki á 65. mínútu.
Manchester City átti 22 skot að marki Tottenham í leiknum og fimm þeirra fóru á markið. Tottenham átti aðeins fjögur skot að marki og tvö þeirra fóru á rammann og í netið.
Með sigrinum er Tottenham með 20 stig, tveimur fleiri en Chelsea og Leicester. Leicester spilar á morgun gegn Liverpool sem eru með 17 stig.
Manchester City er í 10. sæti með 12 stig.
Einn leikur er eftir í ensku deildinni í kvöld. Klukkan 20:00 hefst leikur Manchester United og West Bromwich Albion.
Tottenham 2 – 0 Manchester City
1-0 Heung-Min Son (5′)
2-0 Giovani Lo Celso (65′)