Guðmunda Brynja Óladóttir hefur framlengt samning sinn við KR um tvö ár. Einnig hafa þær Kristín Erla Ó Johnson og Emilía Ingvadóttir skrifað undir nýjan samning við félagið. Fotbolti.net greinir frá.
Guðmunda Brynja er uppalin á Selfossi og hefur einnig spilað með Stjörnunni. Hún hefur verið í herbúðum KR frá 2019. Hún hefur spilað 131 leik í efstu deild og skorað í þeim 61 mark. Guðmunda hefur spilað 15 A-landsleiki.
Guðmunda var mikið meidd í sumar og spilaði sjö leiki í deildinni og skoraði eitt mark.
Kristín Erla og Emilía eru báðar fæddar árið 2002. Kristín hefur spilað 32 leiki með KR. Hún spilaði 11 leiki í deildinni í sumar.
KR féll úr efstu deild í sumar og munu því leika í Lengjudeildinni næsta sumar.