Alfreð Finnbogason var í byrjunarliði Augsburg þegar þeir heimsóttu Borussia M’gladbach í þýsku deildinni í dag.
Leiknum lauk með 1-1 jafntefli. Florian Neuhaus skoraði eina mark heimamanna á fimmtu mínútu. Daniel Caligiuri jafnaði metin fyrir Augsburg á 88. mínútu.
Alfreð var tekinn af velli á 65. mínútu. Tveimur mínútum síðar fékk Raphael Framberger, liðsfélagi Alfreðs, að líta rauða spjaldið. Augsburg léku því einum manni færri síðstu 20 mínúturnar.
Borussia M’gladbach er í sjöunda sæti með 12 stig og Augsburg er í því níunda með 11 stig.
Borussia M’gladbach 1 – 1 Augsburg
1-0 Florian Neuhaus (5′)
1-1 Daniel Caligiuri (88′)
Rautt spjald: Raphael Framberger, Augsburg (67′)