Evrópumótið í knattspyrnu fer fram næsta sumar. Fjöldinn allur af stórstjörnum verða á svæðinu. Það er þó ekki pláss fyrir alla. The Sun tók saman lista af tíu dýrustu leikmönnunum sem komust ekki á EM.
Jan Oblak er markmaður í stórliði Atletico Madrid. Slóvenía hefur ekki komist á stórmót síðan Oblak byrjaði að spila með landsliðinu
2. Erling Haaland – Noregur – 71,5 milljón pund/13 milljarðar króna
Haaland er leikmaður Borussia Dortmund. Hann hefur spilað sjö leiki með norska landsliðinu og skoraði í þeim sex mörk. Noregur komst síðast á EM árið 2000.
3. Sergej Milinkovic-Savic – Serbía – 58 milljónir punda/10,5 milljarðar króna
Sergej er miðjumaður hjá Lazio. Draumur hans um að spila á EM á næsta ári varð að engu í tapi gegn Skotlandi. Sergej hefur spilað 20 leiki fyrir Serbíu og skoraði í þeim þrjú mörk.
4. Miralem Pjanic – Bosnía – 45 milljónir punda/8 milljarðar króna
Pjanic er reynslumikill leikmaður hann hefur spilað 98 landsleiki fyrir Bosníu og skorað 15 mörk. Hann gekk til liðs við Barcelona í sumar og hefur komið við sögu í fjórum leikjum.
5. Martin Ødegaard – Noregur – 40 milljón pund/7 milljarðar króna
Hinn 21 árs gamli Ødegaard spilar með Real Madrid. Hann hefur spilað 25 leiki fyrir norska landsliðið þrátt fyrir ungan aldur. Hann mun fylgjast með EM úr sófanum líkt og landi hans Erling Haaland.
6.-7. Filip Kostic – Serbía – 28 milljónir punda/5 milljarðar króna
Filip Kostic er 28 ára leikmaður Eintracht Frankfurt. Hann hefur spilað 35 leiki með Serbíu.
6.-7. Kostas Manolas – Grikkland – 28 milljónir punda/5 milljarðar króna
Manola er 29 ára leikmaður Napoli. Hann hefur spilað 42 landsleiki og skorað eitt mark. Grikkland komst síðast á EM árið 2012 og enduðu í sjöunda sæti.
8. Nikola Milenkovic – Serbía – 25 milljónir punda/4.5 milljarðar króna
Hinn 23 ára gamli Serbi leikur með Fiorentina á Ítalíu. Hann hefur spilað 26 leiki með Serbíu. Hann spilaði með Serbíu á HM 2018.
9.-10. Marash Kumbulla – Albanía – 22 milljónir punda/4 milljarðar króna
Kumbulla er tvítugur leikmaður. Hann hefur spilað þrjá leiki fyrir albanska landsliðið. Albanía spilaði á EM 2016 en Kumbulla var ekki í hópnum.
9.-10. – Luka Jovic – Serbía – 22 milljónir punda/4 milljarðar króna
Luka Jovic er fjórði leikmaður Serbíu á listanum. Þessi 22 ára gamli leikmaður spilar með Real Madrid. Hann hefur spilað 11 landsleiki og skorað í þeim fimm mörk.
