„Hinn eini sanni Guðmann Þórisson hefur framlengt samning sinn við FH um eitt ár eða út keppnistímabilið 2021,“ segir á vef FH í frétt dagsins.

Guðmann hefur spilað um 80 leiki fyrir FH í tveimur köflum og nú er ljóst að hann tekur slaginn með FH í eitt ár til viðbótar. Guðmann hefur að auki leiki með KA og Breiðablik hér á landi.

Guðmann sem er 33 ára gamall en hann lék um tíma sem atvinnumaður í Noregi og í Svíþjóð.

„Við FH-ingar þekkjum Guðmann vel enda hefur hann spilað hátt í 80 leiki fyrir FH í deild og bikar. Guðmann átti frábært tímabil í ár og er því mikill fengur að hafa tryggt sér krafta hans áfram. Við FH-ingar óskum Guðmanni innilega til hamingju með nýjan samning og hlökkum til að fylgjast með honum loka vörninni á komandi tímabili.“

FH leikur undir stjórn Eiðs Smára Guðjohnsen á næstu leiktíð en Davíð Þór Viðarsson verður aðstoðarþjálfari liðsins.