Erik Hamren lauk leik sem landsliðsþjálfari Íslans gegn Englandi í fyrradag, í rúm tvö ár hefur þessi geðþekki Svíi verið við stýrið.
Hamren tók sjálfur þá ákvörðun að stíga til hliðar og aldrei fóru neinar viðræður við KSÍ áframhaldandi starf, hann vildi stíga til hliðar eftir að hafa mistekist að koma liðinu á Evrópumótið. Óvíst er hvaða leið stjórn KSÍ fer, mun stjórn sambandsins halda áfram að leita út fyrir landsteinana eða horfa inn á við.
Freyr Alexandersson sem var aðstoðarþjálfari Hamren og starfaði náið með Lars Lagerback og Heimi Hallgrímssyni við góðan orðstír.
Freyr er einn af þeim sem er orðaður við starfið, en hann veit ekki hvað framtíðin ber í skauti sér. „Þetta er íslenska landsliðið og það er erfitt að segja nei við því, staðan er þannig að ég vil bara liðinu allt það besta. Ef stjórnin vill fara aðra leið en að vera með mig þá styð ég það 100 prósent, ég vil að þetta verði í lagi fyrir liðið frá og með næstu undankeppni. Ég ætla ekki að loka neinum dyrum, en eins og staðan er í dag þá er ég hættur,” sagði Freyr í samtali við DV, hann er aðstoðarþjálfari Al-Arabi í Katar með Heimi Hallgrímssyni
Ítarlegt viðtal við Freyr um Erik Hamren og hans starf með landsliðið má lesa í helgarblaði DV