Erik Hamren lauk leik sem landsliðsþjálfari Íslans gegn Englandi í gær, í rúm tvö ár hefur þessi geðþekki Svíi verið við stýrið.
Hamren tók sjálfur þá ákvörðun að stíga til hliðar og aldrei fóru neinar viðræður við KSÍ áframhaldandi starf, hann vildi stíga til hliðar eftir að hafa mistekist að koma liðinu á Evrópumótið.
Könnun: Hver á að vera næsti landsliðsþjálfari Íslands?
Óvíst er hvaða leið stjórn KSÍ fer, mun stjórn sambandsins halda áfram að leita út fyrir landsteinana eða horfa inn á við. Mörg nöfn hafa verið nefnd til sögunnar og er Freyr Alexandersson eitt þeirra, hann hefur verið viðloðandi þjálfun liðsins síðustu ár og var aðstoðarmaður Erik Hamren.
„Við erum að fara yfir stöðuna með framhaldið, í ljósi stöðunnar hjá Frey sjálfum og hjá okkur. Það verða tekin skref í að skýra það og taka ákvörðun á næstu vikum,“ sagði Guðni Bergsson formaður KSÍ við Fótbolta.net í dag.
Freyr réð sig til starfa sem aðstoðarþjálfari Al-Arabi í Katar í dögunum. „Það kemur alveg til greina. Freysi hefur staðið sig mjög vel sem aðstoðarmaður og þeir hafa myndað mjög gott teymi. Það er verið að fara yfir það hvernig málin standa og hvað við teljum að sé best fyrir KSÍ og framtíðina. “
