Edinson Cavani framherji Mancheter United og Úrúgvæ var rekinn af velli í landsleik gegn Brasilíu í nótt þegar liðin mættust í Suður-Ameríku.
Úrúgvæ var án Luis Suarez sem greindist með COVID-19 skömmu fyrir leik en Brasilía vann 2-0 sigur.
Cavani fékk rautt spjald fyrir fólskulegt brot á Richarlison leikmanni Everton. Fyrst um sinn ákvað dómarinn að gefa honum gult spjald.
Dómarinn var svo kallaður í VAR-skjáinn og eftir að hafa horft á brot Cavani þá reif hann upp rauða spjaldið á framherjann.
Cavani skoraði sitt fyrsta mark fyrir United í sigri á Everton á dögunum en liðið mætir WBA á laugardag.
Rauða spjald Cavani má sjá hér að neðan.
🟥 Edinson Cavani straight red card vs Brazil 71' #URUBRA pic.twitter.com/ILQquMKNIk
— noobfcb (@noobfcb) November 18, 2020