Forráðamenn Manchester United, eru vongóðir um að vinstri bakvörðurinn Alex Telles nái að spila með liðinu um næstkomandi helgi. Telles er sagður hafa greinst Covid-19 í annað skipti og nú í landsliðsverkefni með Brasilíu.
„Jákvæð niðurstaða úr skimun Alex þýðir ekki endilega að hann hafi greinst í annað skipti með Covid-19,“ sagði í yfirlýsingu sem enska félagið gaf frá sér í dag.
Telles var greindur með Covid-19 undir lok októbermánaðar og talið var að hann væri búinn að ná sér af veirunni og væri ekki lengur smitandi þegar hann var valinn í landslið Brasilíu. Verið er að kanna stöðuna á leikmanninum núna og fá úr því skorið hvort hann sé smitandi.
„Við vonum enn að leikmaðurinn megi spila á laugardaginn í ensku úrvalsdeildinni,“ stóð í yfirlýsingu Manchester United.
Telles gekk til liðs við Manchester United frá Porto í byrjun þessa tímabils. Hann náði að spila einn leik fyrir félagið áður en hann greindist með Covid-19.