Dominik Szoboszlai sem braut hjörtu Íslendinga á fimmtudag í síðustu vikur er eftirsóttur af stórliðum um alla Evrópu. Frá þessu segja erlendir miðlar.
Szoboszlai er tvítugur leikmaður Red Bull Salzburg en hann skoraði sigurmark Ungverjalands gegn Íslandi í síðustu viku og skaut þjóð sinni inn á Evrópumótið.
Arsenal hefur fylgst með framgöngu Szobaszlai og hefur áhuga á honum, vitað er að góður möguleiki er á því að Szobaszlai fari frá Salzburg til RB Leipzig en þar eru sömu eigendur.
Nú er svo sagt frá því að FC Bayern hafi áhuga á Szoboszlai sem er sóknarsinnaður miðjumaður sem hefur vakið mikla athygli. „Hann er bara demantur,“ sagði Lothar Matthaus fyrrum leikmaður FC Bayern og fyrrum þjálfari Ungverjalands.
„Öll stórlið Evrópu skoða hann og FC Bayern er eitt þeirra.“