Kate Greville fyrrum unnusta Ryan Giggs sást í gær í fyrsta sinn á meðal fólks eftir meina árást frá Giggs. Tvær vikur eru síðan Giggs var handtekinn á heimili þeirra og er hann grunaður um að hafa lagt hendur á hana. Greville er tveimur vikum síðar enn með sár í andliti sínu.

Greville er flutt út úr húsi þeirra en hún fór í göngutúr í gær og er enn með sár í andliti. „Lífið hennar hefur verið helvíti,“ segir vinkona hennar í samtali við ensk götublöð.

The Sun segir frá því að ósætti þeirra hafi byrjað þegar hún ásakaði Giggs um að vera að halda framhjá sér og að konurnar væru tvær sem hann væri að hitta.

Framhjáhald væri ekki nýtt af nálinni í lífi Giggs. Giggs og Greville hafa verið saman síðustu ár en Giggs gekk í gegnum skilnað árið 2013 eftir að upp komst um framhjáhald hans til margra ára. Giggs hafði þá verið að sofa hjá eiginkonu bróður síns í átta ár. Ensk blöð segja að Greville hafi komist í skilaboð í Ipad í eigu Giggs sem var tengdur við síma hans, þar gat hún skoðað skilaboð frá stelpum og er talað um að talsvert hafi verið daðrað í þeim skilaboðum. Greville þekkir konurnar, önnur starfar sem aðstoðarmanneskja knattspyrnumanna í London og hin er fyrirsæta sem býr nálægt þeim í Manchester.

Parið hafði verið að drekka saman í miðborg Manchester þegar þau komu heim á sunnudagkvöld fyrir tveimur vikum, ensk blöð segja sambandið hafa lengi staðið á bláþræði. Giggs er sakaður um að hafa ráðist á hana en hann var handtekinn á heimili þeirra.

Giggs er þjálfari Wales í dag en hann fékk ekki að stýra liðinu í verkefni sem nú er í gangi vegna málsins.

Smelltu hér til að sjá myndir af Greville þar sem bólgur í andliti hennar sjást greinilega.