Enska knattspyrnufélagið Arsenal, er fyrsta félagið í ensku úrvalsdeildinni til þess að taka þátt í stóru verkefni á vegum Sameinuðu Þjóðanna sem nefnist UN Sports for Climate Action Framework.

Verkefnið er á sviði umhverfismála og með þátttöku sinni skuldbindur félagið sig til þess að leggja sitt af mörkum í baráttunni við loftslagsbreytingar og hjálpa öðrum við að gera slíkt hið sama.

Fimm lykilmarkmið eru skilgreind í verkefninu:

• Innleiða breytingar í starfsemi félagsins sem stuðla að meiri umhverfisábyrgð
• Draga úr heildar loftslagsáhrifum
• Stuðla að fræðslu um loftslagsaðgerðir
• Stuðla að sjálfbærri og ábyrgri neyslu
• Tala fyrir loftslagsaðgerðum

Arsenal hefur síðastliðin ár gripið til ýmissa aðgerða með það að markmiði að draga úr þeim neikvæðu áhrifum sem starfsemi félagsins kann að hafa á umhverfið.

Meðal þeirra aðgerða sem félagið hefur gripið til er að gróðursetja rúmlega 29.000 tré á æfingasvæði sínu í London Colney og koma fyrir kerfi á æfingasvæðinu sem endurnýtir það vatn sem notað er til þess að vökva vellina. Með tilkomu kerfisins náði félagið að endurnýta rúmlega 4,5 milljónir lítra af vatni á síðasta ári.

🌍 We’re proud to be the first Premier League club to sign up to the @UNFCCC Sports for Climate Action Framework 👇 #ClimateAction

— Arsenal (@Arsenal) November 16, 2020