Georgina Rodriguez, fyrirsæta og kærasta knattspyrnustjörnunnar Cristiano Ronaldo, flaug með einkaþotu Ronaldo til að gefa jólagjafir. Um er að ræða einkaþotu sem kostar um 20 milljón pund eða um 3,6 milljarða íslenskar krónur. Georgina er sögð hafa verið að fljúga til höfuðborgarinnar Madrid til að gefa jólagjafir fyrir börn í bágri stöðu.
Þetta er ekki fyrsta góðgerðarverk Georginu á árinu, í byrjun kórónuveirufaraldursins gaf hún 20 þúsund grímur til barna sem þurftu á þeim að halda. Talskona samtakanna sem Georgina gaf til sagði hana vera „yndislega“ manneskju.
Rodriguez og Ronaldo hafa verið saman í um 5 ár en parið hittist fyrsti í Gucci verslun, þar var Rodriguez að vinna þegar Ronaldo kom til að versla. Á síðasta ári spruttu upp sögusagnir um að parið hefði gift sig í leyni en bæði Ronaldo og Rodriguez hafa blásið á sögusagnirnar.
„Við munum gifta okkur einn daginn,“ segir Ronaldo þó. „Það er draumurinn hennar mömmu sem og minn. Svo, einn daginn, af hverju ekki? Hún [Rodriguez] er frábær. Hún er vinur minn og við tölum saman. Ég opna hjarta mitt fyrir henni og hún opnar sitt fyrir mér.“
