Íslenska karlalandsliðið heimsækir það danska á morgun í Þjóðadeildinni. Ísland er í A-deild riðli tvö ásamt Danmörku, Belgíu og Englandi.
Eins og staðan er í dag er Belgía á toppi riðilsins með níu stig. Danmörk er í öðru sæti með sjö stig eins og England sem er í þriðja sæti. Ísland er án stiga í neðsta sæti. Öll lið hafa spilað fjóra leiki. Á heimasíðu UEFA er farið yfir stöðuna á liðunum.
Á morgun klukkan 19:45 mætir Ísland Danmörku og Belgar taka á móti Englendingum.
Belgía vinnur riðilinn ef þeir sigra England og ef Danmörk tapar á móti Íslandi.
England verður að vinna Belgíu til að eiga möguleika á að sigra riðilinn.
Danmörk mun ekki eiga möguleika á að sigra riðilinn ef þeir tapa gegn Íslandi og ef Belgía sigrar England.
Ísland er fallið í B-deild.
Íslenska liðið mun að öllum líkindum spila upp á stoltið í Danmörku á morgun. Ísland hefur aldrei sigrað Dani og því gæti fyrsti sigur Íslands gegn Danmörku orðið að veruleika á morgun.
Tveir leikir eru eftir í Þjóðadeildinni. Góður árangur í þessum leikjum getur skilað liðinu hærra á heimslista FIFA sem getur komið sér vel fyrir dráttinn fyrir undankeppni HM. Staða liðanna á heimslista FIFA hefur áhrif á í hvaða styrkleikaflokki liðin verða fyrir dráttinn.
Þjóðadeildin A-deild riðill 2
