Harry Kane hefur verið iðinn við markaskorun bæði með enska landsliðinu og Tottenham. Hann hefur skorað sjö mörk í átta leikjum á tímabilinu með Tottenham.
Kane hefur skorað 32 mörk í 49 leikjum með enska landsliðinu. Með landsliðinu skorar Kane að meðaltali á eins og hálfs leikja fresti. Með þessu áframhaldi á hann góðan möguleika að bæta markametið. Samantektina má sjá á vef The Sun.
Wayne Rooney er markahæsti leikmaður enska landsliðsins með 53 mörk í 120 leikjum. Í öðru sæti er Sir Bobby Charlton með 49 mörk í 106 leikjum. Rooney er eini leikmaðurinn á listanum fyrir ofan Kane sem er enn þá að spila. Hann spilar þó ekki lengur fyrir landsliðið.
Harry Kane er einnig á lista yfir markahæstu leikmenn ensku úrvalsdeildarinnar frá upphafi.
Kane hefur skorað 150 mörk og er í níunda sæti. Alan Shearer er lang markahæsti leikmaður ensku úrvalsdeildarinnar með 260 mörk. Shearer spilaði með Southampton, Blackburn og Newcastle á árunum 1988-2006.
Harry Kane er aðeins 27 ára og hefur því enn nokkur ár til að reyna við markametið í ensku úrvalsdeildinni.